RæstiTækni ehf., sem áður starfaði undir nafninu Húsfélagaþjónustan ehf. hefur starfað frá árinu 2002 og felst meginstarfsemi fyrirtækisins í þjónustu við fyrirtæki, stofnanir og húsfélög ásamt því að sjá um ýmis sérverkefni eins og hreingerningar, þrif eftir framkvæmdir, bón á gólfdúkum, teppahreinsun, gluggaþvott en Ræstitækni rekur stóra gluggaþvotta deild og á tvo körfubíla til að auðvelda verkið.

RæstiTækni leggur metnað sinn í að bjóða upp á vandaða þjónustu á sem flestum sviðum og sér um heildarumsjón með ræstingu og annarri umsjón húseigna.

Þjónustan er sniðin að óskum hvers viðskiptavinar, en reynsla okkar hefur sýnt að viðskiptavinir okkar vilja gjarnan eiga viðskipti við einn aðila sem býður upp á víðtæka þjónustu.

Árið 2016 keypti fyrirtækið atvinnuhúsnæði við Nýbýlaveg 32 í Kópavogi þar sem eru til húsa skrifstofur, lager, þvottahús og aðstaða fyrir starfsfólk.

Í upphafi ársins 2020 fór fyrirtækið í gegnum markvissa stefnumótun. Í kjölfarið var nafni þess breytt úr Húsfélagaþjónustunni ehf. í RæstiTækni ehf. Flóra viðskiptavina er breiðari en áður og því er nafnið Ræstitækni betur við hæfi til að lýsa því sem við gerum. Við rekum einnig sérhæfða þjónustu með sölu og leigu á mottum sem hægt er að kynna sér á heimasíðunni www.motta.is